ආයතනික කළමනාකරණ මණ්ඩලය

ඉන්දු ආටිගල

ඉන්දු ආටිගල 2017 දී ව්‍යාපාර සංවර්ධන සාමාන්‍යාධිකාරීවරයා ලෙස සොෆ්ට්ලොජික් ලයිෆ් සමඟ සම්බන්ධ විය. 1993 දී CTC Eagle රක්ෂණ සමාගමේ ගිනි රක්ෂණය පිළිබඳ ප‍්‍රාරක්ෂකයෙකු ලෙස ඔහු සිය වෘත්තීයමය ජීවිතය ආරම්භ කළේය. ඔහු 2000 සිට 2001 දක්වා ඉන්දුනීසියාවේ P.T Vitasia - General Insurance Brokers හි සේවය කල අතර ඉන්දුනීසියාවේ සිට පැමිණීමෙන් පසු ඔහු AVIVA NDB රක්ෂණ සමාගම නැවත සම්බන්ධ වූ අතර 2002 දී සිය භූමිකාව සෘජු අලෙවි කළමණාකාර ලෙස වෙනස් කරමින් General Insurance Agency Channel සංවර්ධනය කිරීමේ අභියෝගය භාර ගත් අතර General Insurance හි Agency Development ඒකකයේ සහකාර සාමාන්‍යාධිකාරී/අලෙවි ප‍්‍රධානී ලෙස ඔහුව උසස් කරන ලදී. AIA රක්ෂණ සමාගමෙහි ජීවිත රක්ෂණ බෙදා හැරීමේ ඒකකයට, 2012 දී සම්බන්ධ වන තෙක්, නියෝජ්‍ය සාමාන්‍යාධිකාරී ලෙ ස AIA රක්ෂණ සමාගමේ ජීවිත රක්ෂණ අලෙවි ජාලය සංවර්ධනය කිරීමේ වගකීම ඔහු භාර ගනු ලැබීය. ඔහු එක්සත් රාජධානියේ නෝර්ත්හැම්ප්ටන් විශ්ව විද්‍යාලයෙන් ව්‍යාපාර පරිපාලනය පිළිබඳ ශාස්ත‍්‍රපති උපාධියක් ලබා ඇත. තවද ඔහු ඉන්දියාවේ පූනේහි ජාතික රක්ෂණ ඇකඩමියේ සාමාන්‍ය ජීවිත රක්ෂණය පිළිබඳ තාක්ෂණික වැඩසටහන සාර්ථකව නිම කර ඇති අතර AIA හොංකොං විසින් පවත්වන ලද Advanced Agency Management වැඩසටහන ද සම්පූර්ණ කර ඇත. LIMRA Europe Limited විසින් ඔහුට Master ශ්‍රේණියේ සම්මානයක් පිරිනමා ඇත.

තිලංක කිරිපෝරුව

තිලංක, කොළඹ විශ්ව විද්‍යාලයෙන් ව්‍යාපාර අධ්‍යයනය පිළිබඳ ශාස්ත‍්‍රපති උපාධියක් ලබා ඇති අතර, CIM (එක්සත් රාජධානියේ) හි සුදුසුකම් ලත් සාමාජිකයෙකු මෙන්ම මානව සම්පත් හා තොරතුරු තාක්ෂණය පිළිබඳ ඩිප්ලෝමාධාරියෙකි. ඔහු මානව සම්පත්, පාරිභෝගික සේවා, භාණ්ඩ ප‍්‍රවාහනය, පරිපාලනය, පහසුකම් කළමනාකරණය, පාරිභෝගික හා සාමාන්‍ය මෙහෙයුම් පිළිබඳ දශක එකහමාරකට වැඩි අත්දැකීම් ඇති විවිධ කුසලතාවන්ගෙන් හෙබි පුද්ගලයෙකි. ඔහු දැනට සමාගමේ පාරිභෝගික සේවා, පාරිභෝගිකයින් රඳවා තබා ගැනීම, පරිපාලන සේවා, මිලදී ගැනීම, පහසුකම් කළමනාකරණය, ජීවිත රක්ෂණ පිළිබඳ විමර්ශනය සහ loyalty සහ CRM මෙහෙයුම් ඇතුළු සියළුම ආයතනික සේවා වල ප‍්‍රධානියා ලෙසට කටයුතු කරයි.

අමල් ධර්මප‍්‍රිය

අමල් ධර්මප‍්‍රිය හට තොරතුරු තාක්ෂණ හා ව්‍යාපාර ක‍්‍රියාවලි ස්වයංක‍්‍රීය කළමනාකරණය පිළිබඳව වසර පහළොවකට අධික අත්දැකීම් ඇත. අමල්, සොෆ්ට්ලොජික් ලයිෆ් හි තොරතුරු තාක්ෂණ කණ්ඩායම තුළ ධනාත්මක හා ඵලදායී කණ්ඩායම් කාර්යසාධන සංස්කෘතියක් පවත්වා ගෙන යන අතර කණ්ඩායම් සංවර්ධනය සහ සේවාදායකයින්ගේ තෘප්තිය අඛණ්ඩව වැඩිදියුණු කිරීමට කැපවී ක‍්‍රියා කරයි. Big Data සහ Artificial Intelligence පදනම් කරගත් Machine Learning යන අංශ පිළිබඳ දැඩි උනන්දුවක් දක්වයි. අමල් (ISACA) හි සහතිකලත් තොරතුරු ආරක්ෂණ කළමනාකරුවෙකු (CISM) වන අතර ඔස්ටේ‍්‍රලියානු පරිගණක සංගමයේ (MACS) සාමාජිකයෙකි. ඔහු සබරගමුව විශ්ව විද්‍යාලයේ බාහිර කථිකාචාර්යවරයකු වන අතර ශ‍්‍රී ජයවර්ධනපුර විශ්ව විද්‍යාලයෙන් ව්‍යවහාරික විද්‍යාව පිළිබඳ විද්‍යාවේදී උපාධියක් ද, කොළඹ විශ්ව විද්‍යාලයෙන් පරිගණක විද්‍යාව පිළිබඳ ශාස්ත‍්‍රපති උපාධියක් ද, ශ‍්‍රී ජයවර්ධනපුර විශ්ව විද්‍යාලයෙන් MBA උපාධියක් ද ලබා ඇත.

සුරංග වඩුගේ

සුරංග සොෆ්ට්ලොජික් ලයිෆ් හි ජීව ගණිතඥ (Acturial) අංශයේ ප‍්‍රධානියා ලෙස කටයුතු කරන අතර ඔහු එක්සත් රාජධානියේ හෙරියට් වොට් විශ්ව විද්‍යාලයෙන් ජීව ගණිත කළමනාකරණය සහ ඇමරිකා එක්සත් ජනපදයේ කැන්සාස් නගරයේ මිසූරි විශ්ව විද්‍යාලයෙන් ගණිත හා සංඛ්‍යාලේඛන පිළිබඳ ශාස්ත‍්‍රපති උපාධි ලබා ඇත. ඔහු කොළඹ විශ්ව විද්‍යාලයෙන් ව්‍යාපාර, මූල්‍ය හා පරිගණක ගණිතය පිළිබඳ විද්‍යාවේදී උපාධිය ලබා ඇත. සුරංග මහතා 2004 දී පුහුණු කළමනාකරුවෙකුු ලෙස සොෆ්ට්ලොජික් ලයිෆ් ඉන්ෂුවරන්ස් සමාගමෙන් සිය වෘත්තීයමය ජීවිතය ආරම්භ කළ අතර 2006 දී සමාගමෙන් ඉවත් වී උසස් අධ්‍යාපනය කටයුතු හැදෑරීය. ඔහු නැවත 2009 දී සොෆ්ට්ලොජික් ලයිෆ් හි ජීව ගණිතඥ කළමනාකරු ලෙස සේවයට එක් විය. ඔහුට ජීව ගණිතඥ හා ජීවිත ප‍්‍රති රක්ෂණ ක්ෂේත‍්‍රවල වසර අටකට වැඩි කළමනාකරණ අත්දැකීම් ඇත. ඔහුගේ රක්ෂණ වෘත්තිය තුළ ඔහු FALIA (ජපානය) ඇතුළු ජීවිත රක්ෂණය සහ ප‍්‍රති රක්ෂණය සඳහා විදේශීය හා දේශීය පුහුණු වැඩසටහන් රුසකට සහභාගී වී ඇති අතර මේ වන විට එක්සත් රාජධානියේ ජීව ගණිතඥ පීඨයේ සාමාජිකත්වය ලබා ගැනීම පිණිස කටයුතු කරමින් සිටී.

පියුමාල් වික‍්‍රමසිංහ

පියුමාල් වික‍්‍රමසිංහ, සොෆ්ට්ලොජික් ලයිෆ් ඉන්ෂුවරන්ස් සමාගමේ මෝටර් රථ රක්ෂණ අංශයේ ප‍්‍රධාන කළමනාකරු ලෙස 2014 දී සේවයට එක්වෙමින් සිය වෘත්තීය ජීවිතය ආරම්භ කළේය. ඉතාමත් සාර්ථක සම්මානලාභී Click2Claim ^C2C& ව්‍යාපෘතිය ක‍්‍රියාත්මක කිරීමට ඔහු ක‍්‍රියාකාරීව දායක විය. ඔහු 2016 අපේ‍්‍රල් මාසයේදී ජීවිත රක්ෂණ මෙහෙයුම් සහකාර සාමාන්‍යාධිකාරීවරයා ලෙස සොෆ්ට්ලොජික් ලයිෆ් හි ජීවිත රක්ෂණ අංශයට සම්බන්ධ වූ අතර වර්තමානයේ Alternate Distribution Channel හි ප‍්‍රධානියා වෙයි. ඔහු ව්‍යාපාර පරිපාලනය පිළිබඳ ශාස්ත‍්‍රපති උපාධියක් (කාඩිෆ් මෙට්‍රොපොලිටන් විශ්ව විද්‍යාලය) සහ ව්‍යාපාර කළමනාකරණය පිළිබඳ විද්‍යාවේදී (ගෞරව) උපාධියක් (මිඞ්ල්සෙක්ස් විශ්ව විද්‍යාලය) ලබා ඇත. ඔහුට AIA රක්ෂණ සමාගමේ වසර දහයකට වැඩි පළපුරුද්දක් ඇති අතර ව්‍යාපාර විශිෂ්ටත්වය සඳහා ඔහු දැක්වූ දායකත්වය අගයමින් ඔහු AIA සහ සොෆ්ට්ලොජික් ලයිෆ් යන සමාගම් ද්විත්වයේම කළමනාකාර අධ්‍යක්ෂවරුන්ගේ පැසසුමට ලක් විය.

නුවන් විතානගේ

නුවන් පුෂ්පකුමාර ශ‍්‍රී ජයවර්ධනපුර විශ්ව විද්‍යාලයේ පශ්චාත් උපාධි කළමනාකරණ ආයතනයෙන් (PIM) ව්‍යාපාර පරිපාලනය පිළිබඳ ශාස්ත‍්‍රපති උපාධියක් ලබා ඇති අතර ව්‍යාපාර කළමනාකරණ මූල්‍ය පිළිබඳ විද්‍යාෙවීදී විශේෂ උපාධියක් ද ලබා ඇත. ඔහු ශ‍්‍රී ලංකාවේ වරලත් ගණකාධිකාරීන්ගේ ආයතනයේ (ICASL), සාමාජිකයෙකු වන අතර ශ‍්‍රී ලංකාවේ සහතිකලත් කළමනාකරණ ගණකාධිවරයෙක්ද වේ. ගණකාධිකාරීවරයෙක මේ වන විට ඔහු ශ‍්‍රී ලංකා රක්ෂණ සංගමයේ (IASL) මූල්‍ය තාක්ෂණික කමිටුවේ සභාපති ලෙස සේවය කරයි. 2014 ජනවාරි මාසයේදී නුවන් මහතා සොෆ්ට්ලොජික් ලයිෆ් සමඟ සම්බන්ධ වූ අතර වර්මානයේදී සමාගමේ මූල්‍ය අංශයේ ප‍්‍රධානියා ලෙස කටයුතු කරයි. ඔහුට යුනියන් ඇෂුවරන්ස් සමාගමේ සහ KPMG වැනි බහුජාතික සමාගම්වල මූල්‍ය, කළමනාකරණය සහ විගණනය වැනි ක්ෂේත‍්‍රවල වසර දහහතරකට වැඩි පළපුරුද්දක් ඇත. ඔහු කැලණිිය විශ්ව විද්‍යාලයේ මුදල් දෙපාර්තමේන්තුව සඳහා රක්ෂණ පිළිබඳ විෂය නිර්දේශය කෙටුම්පත් කිරීමේ කමිටුවේ විශේෂඥයකු ලෙස සේවය කර ඇත.

ප‍්‍රණාම පෙරේරා

රක්ෂණ ක්ෂේත‍්‍රයේ වසර 24 ක පළපුරුද්දක් ඇති ප‍්‍රණාම, ප‍්‍රාරක්ෂණය සහ හිමිකම් ඉල්ලීම් මෙහෙයුම් පිළිබඳ මනා දැනුමක් ඇති කීර්තිමත් රක්ෂණ ප‍්‍රවීණයෙකි. ඔහු 1996 දී CTC Eagle සමාගමෙන් සිය රක්ෂණ වෘත්තීය ආරම්භ කළ අතර එම සමාගමට වසර 18 ක සේවය කිරීමෙන් පසු, 2014 දී ඒෂියන්ස් එලායන්ස් සමාගමේ නියෝජ්‍ය සාමාන්‍යාධිකාරී-මෙහෙයුම් ලෙස සේවයට එක් විය. පසුව ඔහු ෆෙයාර්ෆස්ට් ඉන්ෂුවරන්ස් හි මෝටර් රථ ප‍්‍රාරක්ෂණය සඳහා සාමාන්‍යාධිකාරී ලෙස වසර 3 ක කාලයක් සේවය කළේය. ප‍්‍රණාම ASII සුදුසුකම්ලත්, ඉන්දියාවේ මනිපාල් විශ්ව විද්‍යාලයේ MBA උපාධිධරයෙක් සහ වරලත් රක්ෂණකරුවෙකි. ඔහු මේ වන විට සොෆ්ට්ලොජික් ලයිෆ් හි ප‍්‍රධාන තාක්ෂණික නිලධාරියා ලෙස කටයුතු කරයි.

ඉන්දික බමුණුසිංහ

ඉන්දික බමුණුසිංහ ඔස්ටේ‍්‍රලියාවේ මෙල්බර්න් හි ලා ට්‍රෝබ් විශ්ව විද්‍යාලයෙන් ව්‍යාපාර ප‍්‍රධාන කළමනාකරණ හා මානව සම්පත් කළමනාකරණය පිළිබඳ විද්‍යාවේදී උපාධියක් ලබා ඇත. ඔහුගේ අත්දැකීම් ශ‍්‍රී ලංකාව, ඔස්ටේ‍්‍රලියාව සහ හොංකොං යන රටවල රක්ෂණ හා පාරිභෝගික යන අංශවල වසර දොළහක කාලයක් පුරා දිව යයි. සොෆ්ට්ලොජික් ලයිෆ් සමඟ සම්බන්ධ වීමට පෙර ඔහු AIA රක්ෂණ සමාගමේ සේවය කළේය. ඔහු සිය ධුර කාලය තුළ කලාපීය කුසලතා කළමනාකරණයේ ප‍්‍රමුඛ කාර්යභාරයක් ඉටු කර ඇති අතර එහිදී හොංකොං AIA සමූහ කාර්යාලයේ ප‍්‍රධාන අනුප‍්‍රාප්තිකයන් හඳුනා ගැනීම සහ නායකත්වය වර්ධනය කිරීම සඳහා උපායමාර්ගිකව සම්බන්ධ විය. රටවල් කිහිපයක ආයතනික සංවර්ධනය, කුසලතා කළමනාකරණය සහ නායකත්ව සංවර්ධනය යන ක්ෂේත‍්‍රවල ව්‍යාපෘති හා දූත මණ්ඩල සඳහා ඉන්දික සක‍්‍රීයව දායක වී ඇත.

රුවන්ත අරුක්වත්ත

රුවන්ත 2014 දී සොෆ්ට්ලොජික් ලයිෆ් ඉන්ෂුවරන්ස් පීඑල්සී වෙත සම්බන්ධ වූ අතර ඔහු ශ‍්‍රී ලංකාවේ වරලත් ගණකාධිකාරීන්ගේ ආයතනයේ (ICASL) සාමාජිකයෙකි. තවද, ඔහු අභ්‍යන්තර විගණක ආයතනයේ (IIA) සහ වංචා පරීක්ෂකයින්ගේ සංගමයේ ^Association of Fraud Examiners – USA) සාමාජිකයෙකි. රාජ්‍ය ගිණුම්කරණ පුහුණුව සහ අභ්‍යන්තර විගණනය යන දෙඅංශයේම වසර 11 අත්දැකීම් ඔහු සතු අතර ඉන් වසර 8ක්ම මූල්‍ය හා රක්ෂණ ක්ෂේත‍්‍රයේ අත්දැකීම්ය.

සාරංග විජයරත්න

සාරංග විජයරත්න කොළඹ විශ්ව විද්‍යාලයෙන් තොරතුරු පද්ධති පිළිබඳ පශ්චාත් උපාධි ඩිප්ලෝමාවක් ලබා ඇති අතර දැනට ඔහු කොළඹ විශ්ව විද්‍යාලයේ තොරතුරු පද්ධති පිළිබඳ ශාස්ත‍්‍රපති උපාධිය හදාරමින් සිටී. විජයරත්න මහතා බි‍්‍රතාන්‍ය පරිගණක සංගමයේ (BCS) සාමාජිකයෙකි. මෘදුකාංග නිර්මාණය සහ සංවර්ධනය කිරීම, ව්‍යාපෘති කළමනාකරණය, රක්ෂණ හා ERP පද්ධති ක‍්‍රියාත්මක කිරීම ඇතුළුව සම්මානලාභී ජංගම දුරකතන මෘදුකාංග වන Click2Claim, LifeUP විසඳුම් වැනි අංශ ආවරණය කරන තොරතුරු තාක්ෂණ ක්ෂේත‍්‍රය පිළිබඳව වසර 15ක අත්දැකීම් සම්භාරයක් ඔහු සතුව ඇත. ඔහු තොරතුරු තාක්ෂණය පිළිබඳ දෙස් විදෙස් පුහුණු වැඩසටහන් ගණනාවකට සහභාගී වී ඇත. සොෆ්ට්ලොජික් ලයිෆ් සමාගම සඳහා සම්මානලාභී, සම්පූර්ණ අභ්‍යන්තරික රක්ෂණ විසඳුමක් නිර්මාණය කිරීමට පෙරමුණ ගෙන කටයුතු කිරීම ඔහුගේ වෘත්තීයමය ජීවිතයේ කැපී පෙනෙනම සිදුවීම විය.

රුෂිකා බෙමුනුගේ

රුෂිකා ඇගේ සොෆ්ට්ලොජික් ලයිෆ් ගමන 2014 දී ආරම්භ කළ අතර, එතැන් සිට ඇය අවදානම් කළමනාකරණ ඒකකය පිහිටුවීමට සහ සමාගමේ අවදානම් රාමුව සහ අවදානම් ක‍්‍රියාවලීන් සාර්ථකව සැලසුම් කිරීමට හා ක‍්‍රියාත්මක කිරීමට දායක වූවාය. බැංකු හා මූල්‍ය අංශයේ වෙළඳපල අවදානම් කළමනාකරණය පිළිබඳ විශේෂ අවධානයක් යොමු කරමින් ඇය සතුව වසර 9 කට වැඩි අවදානම් කළමනාකරණ අත්දැකීම් ඇත. අවදානම් කළමනාකරණයේ ඇයගේ ගමන DFCC බැංකුවෙන් ඇරඹුණු අතර එහි ප‍්‍රධාන වගකීම් වූයේ වෙළඳපල අවදානම් කළමනාකරණය සහ බැංකුව සඳහා පුළුල් ආර්ථික විශ්ලේෂණයක් සහ පුරෝකථනයක් සැපයීම ය. රුෂිකා කොළඹ විශ්ව විද්‍යාලයෙන් මූල්‍ය ආර්ථික විද්‍යාව පිළිබඳ ශාස්ත‍්‍රපති උපාධියක් ලබා ඇති අතර ආර්ථික විද්‍යාව හා දේශපාලන විද්‍යාව පිළිබඳ BSc උපාධියක්ද ලබා ඇත. ඇය එක්සත් රාජධානියේ සුරැකුම්පත් හා ආයෝජන සඳහා වරලත් ආයතනය හරහා මූල්‍ය සේවා අවදානම පිළිබඳ සම්මානයක් ද හිමිකරගෙන ඇති අතර, FALIA (ජපානය) සහ OLIS (ජපානය) හරහා ජීවිත රක්ෂණය සඳහා අවදානම් කළමනාකරණ පිළිවෙත් පිළිබඳ විශේෂ පුහුණුවක් ලබා ඇත.

චමින්ද්‍රි පිළිමතලාවේ